Humid atmosphere : पुढील पाच दिवस दमट वातावरण

1 min read

June 10, 2023 माणिकराव खुळे

Humid atmosphere : अति उष्णता (Extreme Heat) म्हणजे अति आर्द्रता (High Humidity) हे हवामान शास्त्रीय सूत्र आहे. सूर्यकिरणांच्या जमिनीवर ओतल्या जाणाऱ्या सध्याच्या उष्णतेमुळे दुपारचे कमाल तापमानात (Maximum temperature) झालेली कमालीची वाढ, शिवाय त्या किरणांना अडथळा करणाऱ्या ढगांचा अभाव यामुळे अधिक उष्णता म्हणून अति आर्द्रतेत (Humid atmosphere) कमालीची झालेली वाढ यातून सध्या असह्य अशी जीवाची घालमेल जाणवत आहे.

🔆 सध्या घोषित झाली नसली तरी विदर्भ व कोकणात नकळत उष्णतेच्या लाटेसारखी जवळपास स्थिती आहे आणि हेच मुख्य कारण असून 15 जूनपर्यंत अशीच स्थिती असू शकते.

🔆 त्यानंतर कदाचित वातावरणात काहीसा फरक जाणवू शकतो. कारण 16 जूनच्या आसपास मान्सून कदाचित गोव्यानंतर सिंधुदुर्ग जिल्ह्यात प्रवेश करू शकतो.

🔆 त्याच दरम्यान जाणवणारी स्थिती म्हणजे ठाणे तसेच उत्तर महाराष्ट्रातील नाशिक, नंदुरबार, धुळे भागात ‘बिपोरजॉय’ (Biporjoy) वादळातील अति-अति बाहेरील परिघातून येणाऱ्या ताशी 25 ते 30 किमी वेगाचे वाहणाऱ्या वाऱ्याचा काहीसा अनुभव इतकाच काय तो वादळाचा परिणाम या भागात जाणवेल.