Monsoon rain forecast: महाराष्ट्रात उष्णता, वळवाचा पाऊस अन् गारांची शक्यता

✴️ नैऋत्य मान्सूनने अरबी समुद्रात प्रवेश केला असला तरी अजून केरळात म्हणजे देशाच्या भू-भागावर मान्सूनचा अजून प्रवेश झाला नाही. परंतु, पुढील वाटचालीस वातावरण अनुकूल जाणवते. मान्सून जरी आज (रविवार, दि. 4 जून), उद्या (साेमवार, दि. 5 जून) केरळात पोहोचला तरी महाराष्ट्रात कोकण वगळता सह्याद्री ओलांडून उर्वरित महाराष्ट्रात केवळ मान्सूनचा पाऊस पोहोचण्यास कदाचित अजून आठवडाभर किंवा अधिक कालावधी म्हणजे 14 जूनपर्यंत पोहोचण्याची शक्यता नाकारता येत नाही. कोकण व गोव्यात मात्र पुढील आठवडाभर किरकोळ वळवाच्या पावसाची शक्यता जाणवते.

✴️ अरबी समुद्रात बुधवार, दि. 7 जूनला कमी दाब क्षेत्र निर्मितीच्या शक्यता व त्याच्या पुढील विकसनावर मान्सूनचे वेगात आगमन किंवा आगमनानंतर कदाचित खंड अशा काही शक्यता नाकारता येत नाही.

✴️ धुळे, नंदुरबार, जळगाव, नाशिक, अहमदनगर, पुणे, सातारा, सांगली, कोल्हापूर, सोलापूर, जिल्ह्यात तुरळक ठिकाणी आजपासून पुढील तीन दिवस म्हणजे मंगळवार दि. 5 जूनपर्यंत विजा, वारा व गारांसह किरकोळ वळवाच्या पावसाची शक्यताही नाकारता येत नाही.

✴️ आजपासून पुढील 5 दिवस म्हणजे 4 ते 8 जूनपर्यंत संपूर्ण विदर्भ तसेच मराठवाड्यातील लातूर, नांदेड व परभणी जिल्ह्यात उष्णतेच्या लाटेसदृश्य स्थिती कदाचित जाणवू शकते.

✴️ पश्चिम हिमालयीन जम्म्ू काश्मिर, हिमाचल प्रदेश, उत्तराखंड ही राज्ये तसेच उत्तर भारतातील इतर उर्वरित राज्यात पुढील आठवडाभर ढगाळ वातावरणसह तुरळक ठिकाणीच किरकोळ पावसाची शक्यता जाणवते.

कृषिसाधना....

माणिकराव खुळे

निवृत्त हवामान तज्ज्ञ
संपर्क :- 9422059062, 9423217495
मेल :- manikkhule@gmail.com

See author's posts