Cold possibility : 21 ते 23 फेब्रुवारी दरम्यान पुन्हा थंडी

🎯 कशामुळे घडते हे?
🔆 उत्तर भारतात एकापाठोपाठ कमी दिवसांच्या अंतराने मार्गक्रमण करणाऱ्या तीव्र पश्चिम झंजावातांची साखळी सतत टिकून राहिल्यामुळे हे घडत आहे. उत्तर भारतात त्यामुळे धुक्याचे प्रमाणही आता कमी होऊन दृश्यमानताही तेथे सुधारली आहे.
🔆 संपूर्ण उत्तर भारतात रविवार (दि. 18 फेब्रुवारी)पासून पुढील 5 दिवस म्हणजे 22 फेब्रुवारीपर्यंत पश्चिमी झंजावात व त्याचबरोबर मध्य-भारत स्थित प्रत्यावर्ती वारा पॅटर्नच्या बदलातून तेथे पुन्हा जोरदार पाऊस, जबरदस्त बर्फवृष्टी व गारपीट होण्याची शक्यता निर्माण झाली आहे.
🔆 संपूर्ण उत्तर भारत ते महाराष्ट्रातील खान्देशातील अक्षवृत्तपर्यंत समुद्रसपाटी पासून साडेबारा किमी उंचीवर पश्चिम दिशेकडून ताशी 250 ते 270 किमी अतिवेगवान प्रवाही झोताच्या पश्चिमी वाऱ्यांचे वहन अजूनही टिकून आहे.
🔆 कर्नाटक किनारपट्टी ते खान्देशपर्यंत समुद्र सपाटीपासून साधारण 1 किमी उंचीपर्यंत पसरलेला हवेच्या कमी दाबाचा आस.
🔆 ह्या सर्वांच्या एकत्रित परिणामातून महाराष्ट्राकडे थंडी वाहण्याचा खंडीत का होईना पण स्रोत टिकून आहे.
त्यामुळे महाराष्ट्रात मुंबईसह कोकण व मध्य महाराष्ट्रातील खान्देश, नाशिक ते सोलापूरपर्यंतच्या 17 जिल्ह्यात उत्तरेकडून शिरणाऱ्या थंड वाऱ्यांच्या शक्यतेमुळे पहाटेच्या किमान तापमानात घट होऊन 21 ते 23फेब्रुवारी (बुधवार ते शुक्रवार) पर्यंतच्या 3 दिवसांत पुन्हा वरील 17 जिल्ह्यात मध्यम थंडीची शक्यता वाढली आहे.
🔆 मराठवाडा व विदर्भात मात्र दरम्यानच्या काळात पहाटेचे किमान तापमान सरासरीइतकेच राहून तेथे त्या प्रमाणातच थंडी जाणवेल. या वातावरणीय परिणामातून जम्मू काश्मिर, हिमाचल प्रदेश, उत्तराखंडमधील पर्यटन पुढील 5 दिवस म्हणजे 22 फेब्रुवारीपर्यंत गैरसोयीचे व त्रासदायक ठरू शकते, याचीही नोंद पर्यटकांनी घ्यावी.

कृषिसाधना....

माणिकराव खुळे

निवृत्त हवामान तज्ज्ञ
संपर्क :- 9422059062, 9423217495
मेल :- manikkhule@gmail.com

See author's posts