British heirs : गोऱ्या इंग्रजांचे देशी वारस…!

या चळवळी दरम्यान नामांकित शायर अल्लामा इकबाल यांचा शेर खूप गजला.
“जिस खेत से दहक़ाँ को मयस्सर नहीं रोज़ी|
उस ख़ेत के हर ख़ोशा-ए-गुन्दम को जला दो||”
याचा अर्थ आहे, ज्या शेतातून शेतकर्‍याला त्याची रोजी उपलब्ध होत नसेल, अशा शेतातील पिकाची प्रत्येक ओंबी शेतकऱ्यांनो जाळून टाका. या आंदोलनादरम्यान (Farmer movement) सर छोटूराम यांच्या नेतृत्वाखाली अनेक शेतकऱ्यांनी अक्षरशः आपली गव्हाची पिके (Wheat crop) जाळून टाकली हाेती.

पुढे लवकरच इंग्रज निघून गेले आणि आपले सरकार अस्तित्वात आले. त्यांनी हा अध्यादेश रद्द करण्याऐवजी या अध्यादेशाचा ‘आवश्यक वस्तू कायदा-1955’ तयार करून तो परिशिष्ट-9 मध्ये टाकला. इंग्रजांनी देशाला लावलेला आवश्यक वस्तू कायद्याचा रोग आमच्या सरकारने मोठ्या प्रमाणात पसरवला. त्यामुळे आपले नेते गोऱ्या इंग्रजांचे देशी वारस ‘British heirs: ठरले.

या कायद्याच्या आधारे शेतकऱ्यांचा माल स्वस्तात मिळविण्याच्या सरकारच्या षडयंत्रामुळे केवळ शेतकरीच आत्महत्या ‘Farmer suicide) करत आहेत, असे नाही तर त्यामुळे देशाची अर्थव्यवस्थाही मोडकळीस आली आहे. शेतकऱ्यांच्या आत्महत्या थांबाव्यात आणि देश बरबाद होण्यापासून वाचावा, असे वाटत असेल तर शेतकऱ्यांची कोंडी बंद करायला हवी.

1. जमीन धारणा कायदा. Land tenure act
2. आवश्यक वस्तू कायदा. Essential commodities act
3. जमीन अधिग्रहण कायदा. Land acquisition act
   या तीन कायद्यांनी शेतकऱ्यांची कोंडी केली आहे. हे तिन्ही कायदे आणि यांना पोसणारे परिशिष्ट-9 विनाविलंब रद्द झाले पाहिजे.

कृषिसाधना....

अनंत देशपांडे

विश्वस्त, शेतकरी संघटना, आंबेठाण, जिल्हा पुणे.
संपर्क :- 8668326962
मेल :- anant.deshpande2155@gmail.com

See author's posts